Hi-Fi तरुणाईसाठी Wi-Fi

आजच्या ह्या आधुनिक युगात वावरायचं म्हणजे आपल्या हाती कॉम्प्युटर हा हवाच , आणि एकदा कॉम्प्युटर आला की मग आपोआपच त्यासोबत इंटरनेट सुद्धा अगदी न सांगता येते. मग त्या इंटरनेट मधेही बरेच प्रकार येतात जसे कि डायल - अप इंटरनेट , ब्रॉडबेण्ड तसेच आत्ता नजीकच्या काळात आलेला नवीन प्रकार म्हणजे "वाय-फाय" !! चालू काळात ही वाय-फाय ची सुविधा म्हणजे लई-भारीच आहे असं म्हणता येईल. वाय-फाय म्हणजे "वायरलेस फिडेलिटी". इंटरनेटच्या लांबलचक वायर पासून मुक्तता मिळवण्यासाठी ही नवीन टेक्नोलॉजी अस्तित्वात आली आहे. ह्या सेवेचा वापर करण्यासाठी आपल्या मोबेइल , लेपटोप , कॉम्प्युटर किंवा इतर साधनांमध्ये वाय-फाय सुविधा असणं गरजेचं आहे. आपल्या मोबाईल अथवा कॉम्प्युटर मध्ये वाय-फायची सेवा उपलब्ध आहे असा संदेश दर्शवल्यास आपण ह्या सेवेचा लाभ घेऊ शकतो. ही सेवा वायरलेस असल्यामुळे वाय-फाय सिग्नल उपलब्ध असल्यास अगदी बागेत बसून किंवा विमानाने प्रवास करताना सुद्धा आपण इंटरनेट सर्फिंगचा मनमुराद आनंद लुटू शकता. नजीकच्या काळात जवळपास सर्व कॉलेजेस मध्ये वाय-फाय सुविधा बसवण्यात आली असल्यामुळे अनेक विध्यार्थी तसेच २० ते २५ वयामधील तरुणाई ह्या 'वायर नसलेल्या' जाळ्यात झपाट्याने अडकत चालली आहे . पण अर्थातच टेक्नोलॉजी आधुनिक असल्यामुळे ती थोडी खर्चिक आहे. ही सेवा परवडण्याजोगी नसल्यामुळे सामान्य लोक ह्या सुविधेपासून वंचित असून ते अजूनही जुनाट इंटरनेटच्या जाळ्यांमध्ये खितपत पडले आहेत ही फार खेदाची गोष्ट आहे.